ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Ս.թ. սեպտեմբերի 26-ից հոկտեմբերի 1-ը Վանաձորում կայացավ Համահայկական գիտաժողովը, որը կազմակերպվել էր ՀՀ գիտության կոմիտեի, Երևանի պետական համալսարանի և Ա․ Ալիխանյանի անվան ազգային գիտական լաբորատորիայի համաֆինանսավորմամբ և «Ձեռնարկությունների ինկուբատոր» հիմնադրամի աջակցությամբ:

Մրցույթի պայմաններում տեղի է ունեցել փոփոխություն. խմբի անդամների աշխատանքի ամսական վարձատրության միջին հաշվարկային չափն ընդունվել է մինչև 200 հազար ՀՀ դրամ՝ նախկինում հայտարարված 150 հազարի փոխարեն:

Հոկտեմբերի 11-ին, ժ. 14:00 ԱԱԳԼ-ում տեղի կունենա «Հիմնարար գիտությունից դեպի առաջատար տեխնոլոգիաներ» սեմինարի նիստը: Զեկուցումով հանդես կգա Արտեմ Օհանովը:

Սեպտեմբերի 27-ից 30-ին Գիտության կոմիտեի աջակցությամբ ՀՀ ԳԱԱ-ում անցկացվել է միջազգային գիտաժողով՝ նվիրված գիտության ականավոր կազմակերպիչ, ակադեմիկոս Էմիլ Միրզաբեկյանի ծննդյան 100-ամյակին՝ «Գերբարձր հաճախային ու տերահերցային տեխնոլոգիաներ և օպտոէլեկտրոնիկա» թեմայով: 

ՀՀ կառավարության՝ սեպտեմբերի 29-ի որոշմամբ հաստատվել է 2023 թ.-ին իրականացվելիք գիտական և գիտատեխնիկական պետական նպատակային ծրագրերի ցանկը: Ցանկում ներառված է ութ պետական նպատակային ծրագիր, որոնցից 7-ը ներկայացված են ՀՀ կրթության, գիտության, մշակույթի և սպորտի նախարարության կողմից, 1-ը՝ ՀՀ բարձր տեխնոլոգիական արդյունաբերության նախարարության: